$hanගේ බ්ලොග.....

බ්ලොග් ලියන තවත් හාදයෙක් ගේ සටහන්





මටත් ආසවක් ආවා මගේම කියලා ඩොමේන් නාමයකට මගේ බ්ලොග් එක අරගෙන එන්න ඔනේ කියලා..ඉතින් ඔන්න පෙරුම් පුරලා පුරලා සල්ලි එහෙම එකතු කර ගෙන ඉන්නකොට .කොම් 1 ගන්න මං දැක්කා අපේ ජංජාල චාමරයගේ බ්ලොගේ .කොම් අඩුවට දෙනවා කියලා සටහනක් දාලා තිබ්බා.මං ඉතින් සු‍ටුස් ගාලා ගොහින් පැනපු ගමන්ම NET FIRMS  ආයතනයෙන් ඩොමේනය ගත්තා...මේකට මට ගියේ $3.99යි.ලංකාවේ සල්ලි වලින් බැලුවොත්  රු.400 විතර ගියේ.ඉතින් මට නම් පුදුම සතුටක් තමා දැන්නේ...අද ඉදන් මගේ බ්ලොග් 1 ට පිවිසෙන්න පුළුවන් ලිපිනය තමා http://blog.malshan.com
මොනා වුනත් මට මේ තැනට එන්න උදව් කරපු අය මතක් කරලා ඉන්න එපැයි...


ඉස්සරහටත් ඔයාලා අද හිටියා වගේ මාත් එක්ක ඉඳි  කියලා මම බලාපොරොත්තු වෙනවා .. :)


විටක පොදි ගැහෙන...
තවත් විටක එසැණින් බිඳ වැටෙන...
නැවත දළු ලා වැඩෙන....
සිතින් සිතට වෙනස් වන.....
අපව ජීවත් කරවන....
අපිට අවැසි....
තවත් එක් සිහිනයක්....!!!



ඇය පොළව නම්...

මම අහස නම්...

අප අතර ඇත්තේ...

හිඩැසක් ද?? සුසුමක් ද?? ක්ෂිතිජය ද??



සැහෙන්න දවසකට පස්සේ කාර්ය බහුලත්වයෙන් අඩු නිසා බ්ලොගට ලිපියක් දාන්න වරම් ලැබුණා...(මගේ බ්ලොග් 1ට මගේ අතින් බ්ලොග් 1 දාන්න මටම පෙරුම් පුරන්න වෙලා...) කොහොමින් කොහොම හරි මේ දවස් වල වැඩ කටයුතු ගැන කියනවා නම් මල්$hanට ආයි පාරක් උ.පෙ කරන්න යනවනේ කොල්ලට ලෝකේ දකින්න විශ්ව විද්‍යාලේ යන්න ආසාවක් ඇතිවෙලා.බැහැගෙන වැඩ ඒකට.;)පාඩම් කරනවා කිව්වට වැඩි හරියක් මුණුපොතේ තමා කල් ගත කරන්නේ.. :)දැන් ඉතින් ඒ මඟුලට ඇබ්බැහි වෙලානේ.(සුදාරක මලයා කියන විදියටම ඒක හදපු එකාට බැන බැන තවත් ඒ මඟුලෙම එල්ලිලා ඉන්නවා.)

ඔන්න ඉතින් බ්ලොග් මැරතන් 1කුත් තිබ්බානේ දිව්ව කස්ටියට වතුර බාල්දි පිටින් ගැහැව්වා...හැමොටම නෙවේ සීමීත් පිරිසකට.කොහෙද මේ දවස් වල අන්තර්ජංජාලේ වේගේ අඩු කොරලා නොවැ...(මුන්ට පෙන්නේම අපි වගෙ 3වෙනි පංතියේ පීඩිත ජනතාවනේ.) මාත් මැරතන් දුවන්න තමා අදහස නම් තිබ්බේ අන්තර්ජාලේ අවුල හින්දා අදහස අත ඇරලා තිබ්බේ.ඔය අස්සේ මැරතන් 1 දවසේ යාළුවනේ බලවත් ඉල්ලිම පරිදි රෑ 7.00 විතර දුවන්න ඔනේ කියලා හිතක් පහළ වුනා.දඩ බඩ ගාලා මැරතන් 1 ට වෙනම බ්ලොගකුත් හදාගෙන දුවන්න අයදුම්පත්තරේ පුරවන්න යනකොට එතන හවස 6.00 අයඳුම්පත් භාර අරගෙන ඉවරයි.මොනා කොරන්නද හදපු බ්ලොග දිහා බලාගෙන "ලබන අවුරුද්දේ වත් කලින් අයදුම් කරලා දුවනවා" කියලා අමාරුවෙන් හිත හදාගත්තා.

ඔය අස්සේ තව ලිපි දෙක තුනක්ම ඉස්සරහට දාන්න තියෙනවා.ලංකාවේ රියදුරු බලපත්‍ර ලබාගැනිමේ කලාව. I - කොටස ලක්බිම පත්තරේට ගියත් හරි 1 ලිපියක් එදායින් පස්සේ හරවත් බ්ලොග් 1 ලියන්න වෙලාවක් හම්බුනේම නෑ නොවැ.හිතට නිකන් හරි නෑ වගේ.. :( ඉස්සරහට එන්න තියෙන ලිපි ගැන මතක් කලොත් බහුතරය සම්බන්ධ වෙන්නේ අපේ සන්නිවේදන ආයතන ගැන තමා..එවත් දාලා ඉවර උනාම බලන්නකෝ .එහෙනම් ඉදිරි ලිපියෙන් හමුවෙනකම් කට්ටියටම සුභ කිව්වා.... :)



හුඟ දවසකින් බ්ලොගට ලිපියක් දාන්න ආවේ....අද මාතෘකාව ගැන මට කතා නොකරම ඉන්න බැරි තරමට පත් වෙලා තියෙන්නේ.....ඒ කියන්නේ මෙතන මගේ අත්දැකිම් එහෙම නෙවේ හොඳේ තියෙන්නේ.... ;) මේ මම අහපු.......මට කියපු.....මට දැනුනු කතා ටිකක එකතුවක්......ආදරය...හැමෝටම දැනෙන දෙයක් නේ....ඒ වගේම හැමෝම බොක්කෙන්ම කරන දෙයක්නේ....(ඒ උනාට ආතල් එකට කරන එවුනුත් අපි අතර නැතුවාම නොවේ.. ;))
මේ මාතෘකාව එසේ මෙසේ මාතෘකාවක් නෙවේ.....මට හිතෙනවා මේ ආදරය කියන දෙයට උපාධියක් එහෙම හඳුන්වලා දුන්නොත් හොඳයි කියලා... ;) සැහෙන්න හොඳ ඉල්ලුමක් තියේවි... :)
ඒවයින් වැඩක් නෑ කතාව මෙහෙමයි....මගේ හොඳම යාළුවෙක් බොහොම අමාරුවෙන් කට්ට කාලා කාලා කෙල්ලෙක් දාගත්තා.....ඔන්න දාගත්තයි කියමුකෝ....දාලායන්න නොදී තියාගන්නත් එපැයි....මිනිහා අමාරුවෙන් එකත් කරගෙන කාලයක් හිටියා...රාත්‍රී මල් කැඩීමේ සේවය එහෙමත් උපරිමේටම කලා....හැබයි මේ කෙල්ල එක පාරටම කියපි අපි අද ඉදන් යාළුවෝ වගේ ඉමු කියලා.....අර මගේ යාළුවට ෆුල් අප්සට්...මොනා කරන්නද බලෙන් ආදරේ කරන්න කියන්නයැ.....අනේ ඉතින් මිනිහත් එහෙම්ම හා කියලා හිටියා.....පස්සේ තමා දැන ගත්තේ ඒකට හේතුව මොකක්ද කියලා ඒක අහනකොට මට ඇත්තටම හිනාව නවත්තගන්න බැරි උනා.....කෙල්ල එයාගේ යාළුවට කියලා එයා (අර මගේ යාළුවා) සැහෙන්න සීරියස් හිතනවා වැඩි කියලා.....මොනා කරන්නද ඒ උගේ හැටි නේ...ඔන්න ඉතින් මං කිව්වා ඌට ජීවිතේ ගැන සීරියස් හිතන්නේ නැති එක්කේනක් එක්ක උඹ ජීවිතේ ඉස්සරහ ගැන හිතන්නේ කොහොමද කියලා...මිනිහත් ඔළුව එහෙම වනලා ඒක අනුමත කරලා....බොහොම අමාරුවෙන් ඒ ගැණු ලමයා ගැන හිතන එක නවත්තලා දැම්මා......කාලයත් ඔය එක්කම ගෙවිලා ගියා.....
මිනිහට අන්තර්ජංජාලේ හරහා කෙල්ලෙක් ගැන පුංචි මෙව්වා එකක් ඇති වෙලා...මට කිව්වා..මං කිව්වා ගිහින් හම්බවෙලා කතාබහ එහෙම කරලා පොඩ්ඩක් එයා ගැන දැන ගනින් කියලා....ඔන්න ඉතින් මුත් හා හා පුරා කියලා ගිහින් හම්බවෙලා කතාබහ කරලා වරුවක් විතර එයත් එක්ක ගත කරලා ඇවිත් මට කිව්වා......එයාගේ හිතේ පොඩි අදහසක් එහෙම දළු ලාගෙන ඇවිත්.....කොහොමන් කොහොම හරි මිනිහා 1 පාරනේ හම්බවෙලා තිබ්බේ..මිනිහා ඉතින් ෆුල් ආතල් ඩයල් 1 වගේ හැසිරිලා...අර කෙල්ලට මූ කිව්වම එයා ගැන පොඩි අදහසක් තියෙනවා කියලා..මෙන්න ඒ ගැණු ළමයා කියලා ඔයා පොඩ්ඩක්වත් මොනා ගැනවත් සීරියස් හිතන්නේ නෑ....ඔයා වගේ කෙනෙකුට කැමති වෙන්න එයාට බැහැ කියලා....මූ මට ඒක කිව්වම මං ඇහැව්වා උඹ මොකො කර ගත්තේ කියලා...මෙන්න මූ කියපි .."නෑ බං කලින් කෙල්ල මං සීරීයස් හිතනවා වැඩි කිව්ව නිසා මං හිතුවා මෙයත් එහෙම වෙන්න ඇති කියලා ඒක නිසා මං මේකිට පෙන්නන හැදුවේ මං හෙන ජොලි පොරක් කියලා" ලු....මට මේක ඇහැව්වම බඩ පැලෙන්න හිනා.....මොනා කරන්නද කියලා මට තෙරෙන්නේත් නෑ....
සමහර කෙල්ලෝ සීරියස් හිතන එවුන් හොයනවා....සමහර කෙල්ලෝ ඒ අතර ජොලියට බර කොල්ලෝ හොයනවා...අනේ මන්දා පුදුම කෙල්ලෝ ජාතියක් නොවැ මුං.....අනේ අම්මපා මුන්ව තෙරුම් ගන්න මේ කපේදි මට නම් බෑ......
ඒ නිසාම වගකිව යුත්තන් මේ වගේ අසරණ කොල්ලන්ගේ අනාගතය සඳහා "ආදර උපාධි" වැඩ පිළිවෙලක් අරඹන ලෙස කාරුණිකව ඉල්ලා සිටිනවා... :)

Related Posts with Thumbnails